වැල

වැල යන අතට මැස්ස ගසන්නේ නැතිනම්
වැල ට මැස්ස වටේ යනු මිස
වැල ට වැලේ වැල් නැති වෙයි.

මා මිය ගිය පසු

මා මිය ගිය පසු මගේ මිනිය ජීවක පීඨයකට යවනු මැන වි
එහි සිටිනා වෙද පැටවුන්මා මස් කොට බලපුවා වේ

එතකොට වත් මේ කොහොන් සොතට මං නැති පාඩුව දැනේ වි

සිංහලයට නැගුනු අන්ඩර දෙමළ ය

මෙච්චරයි මට කියන්න ඕන, ඔය එක එකා මෙතන ඇවිත් කෑගැහුවට අපි බය වෙන්නේ නෑ. අපේ ගමන අපි යනවා. අයන්නේ ඉඳන් අපිට කියල දෙන්න හදන්නේ අපි ඉස්කොලේ ගියේ නෑ කියල හිතාගෙනද දන්නේ නෑ. අයන්න කියන්නෙ සිංහල අකාරාදියේ පළවෙනි අකුර. ඒක ස්වර අක්ෂරයක්. ඒ වගේම සිංහල අකුරු අතර තියෙන ඇ ඈ කියන අකුරු දෙක ඉතා විශේෂ වෙනව. ඒව වෙනත් ඉන්දීය අක්ෂර වල දකන්න ලැබෙන්නේ නෑ. නෑයා කියල ලියනකොට භාවිතා වෙන්නෙත් ඔය ඈ කියන ස්වරාක්ෂරය නේ. නෑය යි වේය යි විශ්වාස කරන්න එපා කියල කතාවක් තියෙනව අහල ඇති. වේයා තමයි තුඹස් හදන්නේ. නමුත් අපිට තුඹසක් කිව්ව ගමං මතක්වෙන්න නයාව. ඒ මොකද? අපි කාටවත් මුල මතක නෑ, පස්සේ එන ඒව ලොකු කරගන්නවා. ඕක තමයි සිංහළයගේ වැරැද්ද. මුල අමතක කරනව. මූලධර්මය වාදීන් කියල කියන්නෙ ඔය විදියට හොඳට මුල මතක තියෙන අයට. ඒ අය තමං පිලිගන්නා ධර්මය පරම සත්‍යක් කොට ගෙන අනෙක් අයට වින කටිනවා. කොඩි වින කරනවා. මේ... කොළඹ ඉඳන් මත්තලට කොච්චර දුර ද?

රාහු ඇල්ලීම

හිරු සඳු පෙමින් වෙලී සිටින බව පෙනුනත්,
හිරු සඳු හමුවන දින ලොවම අදුරු වේ.

පූස් ආදරේ

හිතුන වෙලාවට
සෙනෙහෙ පාන
එක වෙලාවක
පැත්තවත් නොබලන
තවත් වෙලාවක ඇඟේ ඇතිල්ලෙන්න
මොනව වුනත් හවසට ගෙදරට එන
මගේ ආදර පූස් පැටියා..............................

හරකා ගොනා වූ ක[ල]

පියුම සොයා නිති ඇදෙනා බිඟු කැන් මෙන් මගෙ සිත
ඔබගෙ සුවඳ මිහිර සොයා දිවයයි සුර සුව සොය සොය
සිහින ලොවෙන් දුටුවත් සැමදා ඔබ මගෙ ලඟ
සඳගේ පහස සැබැවින් විඳිනෙම මම හෙට දින

හිත මිතුරු මල් කොහී

ආදරනීය කපුටා වෙත,

මම ඔබගේ කූඩුවේ බිත්තර දැමුවේ ඔබගේ ඉල්ලීම පිටය. මට කූඩුවක් සැදීමට ආසාවක් කොතෙක් තිබුනත් ඔබ වෙනුවනේ මම ඔබගේ කූඩුවේ බිත්තර දැමීමට තරම් අවංක විමි. එසේ තිබියදීත් මගේ පැටියා කාක් කාක් නොගෑ නිසා ඔහුට කොටා දැමීම මගේ දැඩි සිත්වේදනාවට හේතුවිය. මම කිසිදින කිසිවෙකුට වරදක් කර නැත. ඔබ එය පිලි නොගත්තද පරම සත්‍යයි එයයි.

මීට හිත මිතුරු මල් කොහී,
පිට රට සිට.